無線翻拍21年前的神劇《十月初五的月光》，“初哥哥”胡鴻鈞跟“司徒禮信”羅天宇現身上水為新劇取景，2人同樣過年後首日開工，前者更有感返工好過放假︰“連續幾日周圍去拜年仲攰，又有好多親朋戚友上嚟，唔繫有好多時間休息，但開心嘅，因為大家都冇見好耐，可以聚嚇舊。”講到被爆孖緋聞女友蔡思貝“糖黐豆”拜年，他一聽見即抵死扮閃人，然後說︰“系趁呢個喜慶嘅日子去朋友屋企拜年。”幾時派雙封利是？他笑推好兄弟馬國明做“擋箭牌”︰“我比較期待收佢嗰封，睇咗好多報道都話佢今年會雙喜臨門，希望下年可以收到佢嘅雙封利是！（咁你有咩計劃？）未咁快！專心工作先，希望新一年喺工作上可以更上一層樓，有多啲唔同嘅嘗試。（你同思貝有互相去屋企拜年？）我返工啦，冇啦！哈哈！”

提起日前出席該劇拜神儀式時因腳傷要撐柺杖，他報平安指康復進度良好，雖然骨裂比想像中嚴重，但幸好不用打石膏處理，扎繃帶便可︰“今日都拍咗啲單車戲，又有輕跑兩步，踎低、起身都冇見頭暈，只系踎得耐會有啲痛，相信好快就會好番。（就住拍劇？）頭個禮拜唔系咁方便，要用柺杖，依家好番好多，可以揸車，等佢自己慢慢復原。”

鏡頭後“開籠雀”

他說能夠參演新版神劇，感覺好不可思議，又話起初都擔心自己未能完美Handle，甚至怕搞垮經典︰“信心唔繫好大，角色又要做手語，繫個好大嘅挑戰，不過開咗工一個月，自己都拍得好開心、好享受個過程，好多謝臺前幕後嘅工作人員畀咗好多支援同鼓勵我，令我有番信心。”私下繼續轉做手語少說話？自認是“開籠雀”的他大笑話︰“唔會，我好多嘢講，呢套劇辛苦在唔可以講嘢，所以平時會講更多！”